شاتوو گورجی

شاتوو ئومێد مەحموود گورجی
لە شاری سلێمانی لە عێراق لە دایکبووە لە ١٦ی ئازاری ساڵی ١٩٩٥. ھەڵگری بڕوانامەی بەکالۆریۆسە لە زمانی ئینگلیزی و ئەدەب، وە هەروەها دەرهێنەری هونەری سەربەخۆیە. شاتوو دیزاینی جلوبەرگی کردووە بۆ کۆمەڵێک ژنی ئوسترالی کە وەرزشی سکێت ئەنجام دەدەن بە ناوی ڕیفۆربسکەیت لە ساڵی ٢٠١٩ دا. یەکەمین پێشانگای تایبەت بە خۆی لە ساڵی ٢٠١٣ دا ئەنجام داوە و بە دوای ئەوەشدا پێشانگایەکی دیکە لە ساڵی داهاتوودا. مۆرکی کارە هونەرییەکانی بەو هێڵە ڕەش و سپییانەی تێیاندایە دەناسرێنەوە و شێوازی هونەری ئەبستراکت لە خۆ دەگرن. کاڵاکانی شاتوو لە تیشێرت و جانتای دەستی و ماسکدا خۆیان دەبیننەوە