بێ ناونیشان

کۆنسێپت: ژن بوون بەتاێبەت ژن بوون و کورد بوون ئێھامی زۆربەی تابلۆکانی منن، ھەندێ جار روخسارەکان دەربڕی خەمێکی قووڵن، ھەندێ جاربیرێکی قووڵ دایگرتوون، لە رووی شێوازی کار کردنەوە لە شێوازی دەربڕنخوازی (ئێکسپرێشنیزمەوە) نێزیکن. لەبەر ئەوەی ئەم شێوازە زۆرلە کەسایەتیم نزیکە ھەڵمبژاردووە. شێوازێکە ھەتا ئازادتر لەگەل رەگەزە ھونەریەکان کایە بکرێت بەرھەمێکی رەسەنتر دەخوڵقێت. لە روویتەکنیکیشەوە ھەروایە، لە ماتڕیاڵی جیاواز کەڵک وەردەگرم و خۆم ناخەمە ھیچ چوارچێوەیەکی دیارییکراو. لەم تابلۆیەدا بۆ جلکی ژنەکەکوتاڵی ھەوریم بەکار ھێناوە کە بووەتە سیمبولێکی بۆ ژنانی کورد، ئەوەی ئەم تابلۆیەی لای  من زۆر تایبەت و خۆشەویست کردووە ئەویەکراسی دایکم لەبەر فیگەرەکە کردووە.
رێباز: ئیکسپرێشنیزم
ماتریاڵ: رەنگی ئەکریلیک، کوتاڵ و خەلوس لەسەر کانڤاس
ساڵی درووست کردن: ٢٠٢١